HOMENAXE A NEIRA VILAS. DÍA DO LIBRO

“¡Se eu fixese un libro! Nin falar. Ogallá que non me atopen o caderno. Daríame vergoña. E non é para menos. Porque nel baleiro todo o que sinto. Moi pouca xente o fai. Todos abren o peteiro para dúas cousas: para dicir a verdade ou para arredarse dela.”

Balbino en Memorias dun neno labrego de Xosé Neira Vilas

Hoxe, ás sete da tarde no Auditorio de Caldas, celebraremos o Día do Libro cunha fermosa homenaxe a Xosé Neira Vilas.

NON FALTEDES!

Queremos aproveitar a ocasión para facervos un fermoso agasallo: máis de corenta libros en galego listos para a descarga en distintos formatos ou para ler en liña dende a páxina “A Retallaría“

A DARLLE CAÑA!!!

Pilar Ponte “A profa” danos no seu blog as claves para obter un bo rendemento nestes días de exames.

APRENDE A BUSCAR NA REDE CON EFICIENCIA

Todos e todas sabemos buscar na rede pero… Facémolo dun xeito eficiente?

Grazas ás recomendacións da seguinte presentación, elaborada por Olga Rodríguez Díaz, podemos mellorar os resultados das nosas procuras.

O NOSO AGASALLO NO DÍA DO LIBRO. POÉTIC@ DE FRAN ALONSO

 

“Poétic@ é un libro de literatura electrónica. Aborda a poesía dixital e transmedia, explorando as posibilidades expresivas das novas tecnoloxías na creación literaria a través dun discurso ácido e corrosivo sobre a propia poesía e os seus mitos e tópicos.”

O DICIONARIO DA RAG NO TEU MÓBIL

Aplicación desenvolvida pola Fundación Barrié e a Real Academia Galega sobre a base do dicionario desta última.

Esta aplicación, gratuíta, totalmente operativa e libre de publicidade, contén máis de 50.000 termos coas súas definicións, sinónimos, antónimos, exemplos e pronuncia da maioría das entradas. É unha ferramenta pensada para o día a día das persoas que falan e escriben en galego e pode ser de grande axuda no mundo educativo.

A “app” funciona sen necesidade de estar conectada. (Apenas a pronuncia dos termos, conxugador verbal e a Palabra do Día requiren ligar cunha rede wifi ou de datos celulares).

Características:
* Busca con texto preditivo
* Definicións, sinónimos e antónimos
* Conxugador verbal
* Pronuncia dos termos
* Exemplos de uso de palabras e expresións
* Histórico de buscas recentes
* Garda as túas palabras favoritas
* Conexión co Portal das Palabras para amosar a Palabra do día
* Posibilidade de compartir termos (Facebook, Twitter, …)
* Sacudindo, o móbil propón un termo

PREME NA IMAXE PARA IR Á PÁXINA DE DESCARGAS DO PORTAL DAS PALABRAS

PRESUME DE >GALEGO<

Unha nova actividade da Coordinadora de ENDL

Agardamos que en pouco tempo poidamos escoitar voces de todos os recunchos presumindo do GALEGO, nós en canto poidamos subiremos a nosa aportación : )

OLLOS DE AULA Nº14

Ver este documento en Scribd

8 DE MARZO. DÍA INTERNACIONAL DA MULLER

Imaxe de Leandro Lamas

Debuxo realizado por Blanca Barros Rubines de 2º ESO

DÍA DA CIENCIA EN GALEGO

Este martes día 12 celebraremos no centro o Día da Ciencia en Galego, con actividades para todos os niveis educativos. Podes ir entrando en materia visitando a nosa selección de recursos, centrados na figura de Isaac Díaz Pardo.

PORTAL DAS PALABRAS

“O Portal das Palabras vai dirixido a todo tipo de público, desde rapaces en idade escolar a persoas maiores que teñan interese polo noso idioma e o seu léxico. Tamén é útil para xente que se achega á nosa lingua aínda que sexa de xeito inicial”

NON PODES PERDER OS XOGOS DO PORTAL DAS PALABRAS!!!