Despedimos o curso coma sempre coa publicación da revista do noso GRAN EQUIPO o Ruxe Ruxe que ano tras anos esparexemos polo mundo adiante. Encántanos facer memoria das actividades que fixemos ao longo do curso, do tempo que pasamos xuntos e xuntas traballando pola nosa lingua, dándolle voltas a ideas que acaban sendo feitos ou non…
Para nós esta revista é algo moi grande porque reflicte o que somos e o que nos importa. Agardamos que gostedes dela.
Fátima Barros, Pablo Rodríguez e Miguel Froján xa recibiron o seu premio, unha gravación nos Estudos Edisco da Estrada, por ser os gañadores do “Sondoumia” de secundaria deste ano. O tema xa nos encantou en directo e agora, coa limpeza da gravación en estudo profesional, temos unha xoia!
Hoxe, no Auditorio da Azucreira de Portas, xuntámonos os centros da comarca para facerlle unha boa festa a nosa lingua. As presentadoras, Blanca e Uxía, fíxeron un grandísimo traballo, improvisando, saíndo ao paso dos erros de organización, inevitables coma sempre.
Léronse os poemas e relatos inspirados pola palabra “devagar” escollidos pola escritora Andrea Maceiras como os mellores de todos os que se presentaron ao “Concurso de Microtextos Terras do Umia”. Escoitamos os temas seleccionados polos centros para participar no concurso de cancións en galego “Sondoumia” e puxéronllo moi difícil a Amós Varela (batería de NAO) para escoller os traballos gañadores. Tamén se fixo entrega do “Lingumia 2016”, premio á implicación no uso do galego no sector xurídico, ao Xulgado de Primeira Instancia e Instrucción Nº 1 de Caldas e, na súa representación, á xuiza Encarnación Dasi Dorelle.
A Coordinadora Comarcal de Equipos de Dinamización da Lingua Galega convoca o IV Concurso de Cancións en galego “Son do Umia” (curso 2015-2016). Poderán participar todos os centros educativos que integren a Coordinadora Comarcal “Terras do Umia” dos concellos de Barro, Caldas de Reis, Cuntis, Moraña e Portas.
Categorías:
Haberá dúas categorías:
Bases:
Prazo e fases de presentación
Fase previa
Fase final
Xurado
Un xurado nomeado pola coordinadora Terras do Umia designará as persoas que gañaron o concurso na Festa da Lingua. Valorarase a orixinalidade das composicións.
Este martes fomos de novo a visitar ao noso amigo Triki no seu estudo de gravación, para que o grupo de Aarón, Alexis, Christian, Eva e Fadi, recibira o seu merecido premio por gañar o “Son do Umia” na categoría de Secundaria. Aquí vos deixamos o TEMAZO para que o gozedes.
BO VERÁN DE NOVO!!!
Hoxe, no Auditorio da Azucreira de Portas, xuntámonos os centros da comarca para facerlle unha boa festa a nosa lingua. Léronse os poemas e relatos inspirados pola palabra “cincocentas” escollidos polo escritor Carlos Negro como os mellores de todos os que se presentaron ao “Concurso de Microtextos Terras do Umia”. Escoitamos os temas seleccionados polos centros para participar no concurso de cancións en galego “Sondoumia” e puxéronllo moi difícil a García Mc (Dios Ke Te Crew) para escoller os traballos gañadores. Pero, como el dixo parafraseando a Galeano, “todos xogamos, todos o pasamos ben”. Tamén se fixo entrega do “Lingumia 2015”, premio á implicación no uso do galego no sector sanitario, á “Botica Casal” de Moraña.
Aquí están os temas presentados no noso centro ao concurso “Sondoumia”
E estes son os textos finalistas do “Concurso de Microtextos Terras do Umia”
A coordinadora comarcal de Equipos de Dinamización da Lingua Galega convoca o III concurso de cancións en galego “Son do Umia” (curso 2014-2015). Poderán participar todos os centros educativos que integren a Coordinadora Comarcal “Terras do Umia” dos concellos de Barro, Caldas de Reis, Cuntis, Moraña e Portas.
Categorías:
Haberá dúas categorías:
Bases:
Prazo e fases de presentación
Fase previa
Fase final
Xurado
Un xurado nomeado pola coordinadora Terras do Umia designará as persoas que gañaron o concurso na Festa da Lingua. Valorarase a orixinalidade das composicións.
Aquisfala 