DÍA DA CIENCIA EN GALEGO

Onte foi o Día da Ciencia en Galego. Pero nós ímoslle adicar o mes enteiro, que ben o merece. Porque nos gusta que a Ciencia, coma todo o demais, se poida desenvolver na nosa lingua. Con total normalidade.

Este ano, declarado pola ONU “Ano Internacional dos Legumes”, o Día da Ciencia dedícase á Bioloxía e, máis concretamente, á Xenética.

Destácanse as figuras do pai da Xenética, Mendel (xa sabedes, o dos chícharos verdes e amarelos, lisos e rugosos) e, no ámbito galego, o enxeñeiro agrícola e xenetista Cruz Gallástegui, primeiro director da Misión Biolóxica de Galicia, un centro de biología aplicada á mellora da agricultura.

Pois ben,
• O noso mes da Ciencia en Galego iniciámolo o xoves coa visita do alumnado de 4º precisamente á Misión Biolóxica de Galicia, situada en Salcedo, Pontevedra.
• Continuará cunha pequena exposición sobre estes dous persoeiros da Xenética.
• Ao longo do mes, profes de Ciencias e alumnado colaborador co Equipo de Dinamización prepararán divertidos experimentos para sorprender ao alumnado máis novo do centro o día 29.
• Ese mesmo día, 1º de Bach. asistirá a unha amena charla con experimentos en vivo impartida polo equipo de Clikonphysic, da Escola de Enxeñería da Universidade de Vigo. A Ciencia achegada a nós de xeito práctico.

Cremos que vai pagar a pena.

Gozade da ciencia. En galego, naturalmente.

Advertisements

Un comentario en “DÍA DA CIENCIA EN GALEGO

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s