RECOMENDAMOS

“DERRUBANDO ISOGLOSAS” é o blog de Manuel Arca Castro, estudante de Tradución e Interpretación (Galego-Inglés) na Universidade de Vigo.

“Este espazo pretende ser un recuncho de inspiración aberto a calquera interesado, onde agroman desde o máis profundo do maxín diferentes reflexións e creacións arredor do mundo da cultura, en xeral, e do eido da tradución, en particular. Vogando co ronsel das palabras e derrubando isoglosas.”

“DÚBIDAS DO GALEGO” é o blog de César Lorenzo Gil, xornalista. Nada que dicir sobre a temática, o título é ben claro!

“Durante máis dunha década, á parte de coordinar o labor xornalístico e escribir reportaxes, entrevistas, informacións e demais textos, encargueime da corrección lingüística do semanario A Nosa Terra e do xornal dixital A Nosa Terra Diario. Aquí deito aquela experiencia en forma de consellos e resolución de dúbidas.”